बौद्धनाथ परिसरमा बृहत खुल्ला रक्तदान तथा दन्त परिक्षण कार्यक्रम सम्पन्न

कपन अनलाइन

काठमाडौं,बैशाख २६ ।  २५६७ औँ बुद्ध जयन्तीको अवसर पारेर बौद्धनाथ परिसरमा बृहत खुल्ला  रक्तदान तथा दन्त परिक्षण  कार्यक्रम सम्पन्न भएको छ ।

खास्ती नेवा पुच: रलायन्स क्लब अफ काठमाडौं खास्ती द्वारा शुक्रबार बुद्द जयन्तीको दिनमा बिहान ८ बजे देखि शुरु भएको उक्त रक्तदान  कार्यक्रममा १५५ जना रक्तदाताले रक्तदान गरेको  खास्ती नेवा पुच तथा लायन्स क्लब अफ काठमाडौं खास्तीका अध्यक्ष दिनेश श्रेष्ठले कपन अनलाइनलाइ जानकारी गराए ।

 बुद्ध जयन्तीको अवसरमा आयोजना गरिएको उक्त रक्तदान कार्यक्रममा रगतको अभावमा कसैको पनि ज्यान जान नपरोस् भन्ने उद्देश्यका साथ सामाजिक उत्तरदायित्व वहन गर्दै  रक्तदान कार्यक्रम गरिएको  उनले जानकारी गराए ।

रक्तदान गर्ने रक्तदाताहरुलाई कार्यक्रमका प्रमुख अतिथि श्री बौद्धनाथ क्षेत्र विकास समितिका अध्यक्ष राजकुमार लामा लगायतले  प्रमाणपत्र प्रदान गरेका थिए । बुद्ध जयन्तीको अवसरमा गरिएको रक्तदान तथा दन्त परिक्षण कार्यक्रममा  स्थानीयवासी, युवा, समाजसेवी, बुद्धिजीवीलगायतको   उपस्थिति रहेको थियो ।