नेपालमा पछिल्लो २४ घण्टामा थप ११३ जनामा कोरोना भाइरस संक्रमण पुष्टि

कपन अनलाइन

काठमाण्डौ ,बैशाख १२।

नेपालमा पछिल्लो २४ घण्टामा थप ११३ जनामा कोरोना भाइरस संक्रमण पुष्टि भएको छ । पछिल्लो २४ घण्टामा देशभरबाट १८१० नमुना परीक्षण गर्दा ११३ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।

मन्त्रालयका अनुसार पीसीआर विधिबाट ७६६ र एन्टिजेनबाट १०४४ नमुना परीक्षण गर्दा पीसीआरबाट ६४ र एन्टिजेनबाट ४९ को रिपोर्ट पोजिटिभ आएको हो ।

हाल सक्रिय कोरोना संक्रमितको संख्या ३६२ पुगेको छ । मन्त्रालयका अनुसार यसमा आरटी पीसीआरको तथ्यांक मात्र समावेश गरिएको छ ।