गोकर्णेश्वर नगरपालिका वडा नं ३ तारेभिरमा उदघोषण कला तालिम सम्पन्न
कपन अनलाइन
काठमाण्डौ ,बैशाख २।
गोकर्णेश्वर नगरपालिका वडा नं ३ तारेभिरमा उदघोषण कला तालिम सम्पन्न भएको छ। तारेभिर महिला समुहको आयोजना भएको सात दिने उक्त तालिम समापनको अवसरमा सहभागीहरुलाई प्रमाण पत्र वितरण गरिएको थियो।
चैत्र २४ गते देखि ३० गते सम्म भएको सो तालिमको समापन कार्यक्रममा गोकर्णेश्वर नगरपालिकाकी उपप्रमुख सान्नानी लामा प्रमुख अतिथि रहेकी थिइन्।
तारेभिर महिला समूहकी अध्यक्ष सुनिता रानामगरको अध्यक्षतामा भएको सो तालिम समापन कार्यक्रममा वडा नं ३ का सदस्य सचिन लामा ,पुर्व वडा सदस्य तथा नेपाली कांग्रेस काठमाण्डौ जिल्ला समिती सदस्य लक्ष्मण लामा गोले ,नेकपा माओवादी केन्द्रका नेता तथा समाजसेवी हर्क बहादुर तामाङ सहित स्थानीयहरुको उपस्थिति रहेको थियो।
सात दिने उदघोषण कला तालिमका सहभागीहरुले आफ्नो अनुभव सुनाएको सो समापान कार्यक्रममा बोल्दै प्रमुख अतिथि लामाले तारेभिरका छोरीहरु इच्छुक भए स्टाफ नर्स लगायतका प्राविधिक विषय अध्ययनमा नगरपालिकाले सहयोग गर्ने प्रतिवदत्ता समेत व्यक्त गरेकी थिइन।
तारेभिर क्षेत्रका महिला समुह तथा स्थानीयहरुको नेतृत्व तथा व्यक्तित्व विकासमा तालिमले महत्वपूर्ण भूमिका निर्वाह गर्ने भन्दै लामाले अन्य सिपमुलक र रोजगार सृजना गर्ने खालका तालिमहरुको प्रस्ताव ल्याउन आग्रह गरेकी थिइन ।
