व्हीलचेयर क्रिकेट प्रतियोगिता : नेपाल सेमिफाइनलमा पराजित

व्हीलचेयर क्रिकेट प्रतियोगिता : नेपाल सेमिफाइनलमा पराजित

कपन अनलाइन
काठमाडौं, चैत १४ ।
नेपाल पुरुष टोली व्हीलचेयर क्रिकेट प्रतियोगितामा सोमबार पराजित भएको छ । नेपाल भारतसंग ४ विकेटले पराजित भएको टोली व्यवस्थापकमा कुमार पौडेलले जनाएका छन् ।
भारतको गुजरातमा मार्च २३ तारिखदेखि भइरहेको प्रतियोगिताको निर्धारित १५ ओभरको खेलमा पहिले ब्याटिङ गरेको नेपालले ६ विकेट क्षतिमा ९४ रनको योगफल खडा गरेको थियो । जवाफमा भारतले १३ ओभरमा ६ विकेट गुमाउदै लक्ष्य भेटायो ।
हिमाल अर्यालको कप्तानीमा रहेको टोलीको अन्य सदस्यमा रामबहादुर तामाङ, राजु गुरुङ, दानबहादुर थिङ, सागर पाण्डे, डिगमसिंह चेम्जोङ, दीपक तिमल्सेना, सोमनाथ राई, फणिनारायण पौडेल, रमेश खत्री, बरुण बुढा मगर र राजु कट्वाल रहेका छन् ।

तपाइँको प्रतिक्रिया ।