ओखलढुङ्गाबाट काठमाण्डौ आउदै गरेको बस सिन्धुलीमा दुर्घटना , पाँच जनाको मृत्यु

कपन अनलाइन

काठमाण्डौ ,फागुन २८।

ओखलढुङ्गा बाट काठमाण्डौ आउदै  गरेको बस सिन्धुलीमा दुर्घटना हुदा पाँच जनाको ज्यान गएको छ । सिन्धुलीको फिक्कल गाउँपालिका–४ कुईभिरमा बा २ ख ६५९६ नम्बरको बस दुर्घटना हुदा पाँच जनाएको घटना स्थलमै ज्यान गएको हो ।

बस सडकको भित्तामा ठोक्किएर दुर्घटना भएको जिल्ला प्रहरी कार्यालयका प्रहरी नायब उपरिक्षक चिरञ्जिवि दाहालले जानकारी दिएका छन  । दुर्घटनामा २४ जना घाईते भएका छन् ।

गम्भिर घाईतेहरुको उद्धार गरी उपचारका लागि सिन्धुली तथा काठमाण्डौका विभिन्न अस्पतालहरुमा पठाईएको डीएसपी दाहालको भनाई छ । मृतक र गम्भिर घाईतेहरुको पहिचान खुल्न बाँकी छ । बसमा २९ जना सवार रहेको बताईएको छ । दुर्घटनाको कारण खुलेको छैन ।