११३ औं अन्तराष्ट्रिय महिला दिवसको अवसरमा NRN NCC Kyrgyzstan को शुभकामना आदान प्रदान कार्यक्रम
कपन अनलाइन
काठमाण्डौ ,फागुन २८।
८ मार्च का दिन ११३ औं अन्तराष्ट्रिय महिला दिवसको अवसरमा NRN NCC Kyrgyzstan द्वारा बिस्केकको प्राइम सुट रेसिडेन्समा शुभकामना आदान प्रदान कार्यक्रम गरिएको छ ।
उक्त कार्यक्रमको लागि जलालबादबाट NRN NCC का महिला संयोजक नम्रता शर्मा,कोषाध्यक्ष मिना ज्ञवाली र सदस्य शिला आचार्यको उपस्थिती थियो। NRN NCC Kyrgyzstan द्वारा आयोजना गरिएको उक्त कार्यक्रममा NRN NCC का महिला संयोजक नम्रता शर्माद्वारा ११३ औं महिला दिवसको अवसरमा हार्दिक मंगलमय शुभकामनाको सन्देश दिदै कार्यक्रमको शुरुवात गनुभएको थियो।
उक्त कार्यक्रममा त्यहाँ वसोवास गर्ने अन्य महिला दिदी-बहिनीहरुका साथसाथै NRN NCC Kyrgyzstan का अध्यक्ष डा. किशन भण्डारी तथा सदस्य अभिषेक गौचनको पनि उपस्थिती थियो ।
कार्यक्रममा अध्यक्ष ज्यूबाट सबै उपस्थिती नारीहरुलाई फुल दिएर शुभकामना व्यक्त गनुभएको थियो। उक्त कार्यक्रममा किर्गिस्थानमा वसोबास गर्ने नेपाली महिलाहरुको छोटो मिठो परिचयका साथै NRN NCC Kyrgyzstan को गठन तथा पद बारे सम्पूर्ण उपस्थिती महिलाहरुलाई जानकारी पनि गराइएको थियो।
साथै फागुपूर्णिमाको अधिल्ली दिन रहेको हुदाँ सबैले एक आपसमा रातो रङ्ग लगाएर फागुको शुभकामना हर्ष हुल्लास साथ मनाएर कार्यक्रमबाट सबैजना बिदा भएको अध्यक्ष डा. किशन भण्डारीले जानकारी दिएका छन ।
