साँखु जेसीज र हरिहर नगर टोल बिकास संस्था द्वारा आयोजित  रक्तदान कार्यक्रम सम्पन्न

कपन अनलाइन

काठमाडौं फाल्गुन १७ ।साँखु जेसीज र हरिहर नगर टोल बिकास संस्थाको  सयुक्त आयोजनामा रक्तदान कार्यक्रम सम्पन्न भएको छ ।शनिबार  शंखरापुर नगरपालिका वडा नं ५ मा रेडक्रस सोसाईटी भक्तपुर शाखा  र दिर्घायु हेल्थ केयर प्रा.लिको प्राबिधिक सहयोगमा भएको उक्त रक्तदान कार्यक्रममा ६६ जना रक्तदाताले रक्तदान गरेको आयोजकले कपन अनलाइनलाइ जानकारी गराएको छ ।

कार्यक्रममा  तारामण्डल महिला शसक्तिकरण अभियानले फलफुल तथा जुस उपलब्ध गराएको  सो कार्यक्रममा शंखरापुर नगरपालीका उप प्रमुख समिता श्रेष्ठ, वडा नं ५ का वडा अध्यक्ष शेर गम्भीर थापा साँखु जेसिजका पूर्व अध्यक्ष तथा पदाधिकारी लगायतले रक्तदातालाइ रक्तदान गरेकोमा धन्यवाद सहित प्रसंशापत्र  प्रदान गरेका थिए ।