बुढानिलकण्ठ नगरपालिकामा रास्ट्रपति रनिङ्ग शिल्ड प्रतियोगिता शुरु
कपन अनलाइन
भक्तपुर, माघ २८।
बुढानिलकण्ठ नगरपालिकामा रास्ट्रपति रनिङ्ग शिल्ड प्रतियोगिता शुरु भएको छ।
बुढानिलकण्ठ नगरपालिकाको तेश्रो राष्ट्रपति रनिङ शिल्ड प्रतियोगिता-२०७९ को उदघाटन वडा नं ५ मा रहेको बुढानिलकण्ठ स्कुलको खेल मैदानमा भएको थियो।
बुढानिलकण्ठ नगरपालिकाका ३६ वटा सामुदायिक र संस्थागत विद्यालयहरुको सहभागिता रहेको सो प्रतियोगिताको उदघाटन कार्यक्रमको प्रमुख अतिथि नगर प्रमुख मिठाराम अधिकारी रहेका थिए।
माघ २७ गते देखि २९ गते सम्म चल्ने सो प्रतियोगिता उद्घाटन गर्दै प्रमुख अतिथि अधिकारीले खेलकुद स्वास्थ्य र प्रतिभा प्रस्फुटनका लागि सुनौलो अवसर भएको बताउदै आगामी दिनमा खेलकुदका गतिविधिहरुलाई नगरपालिकाले प्राथमिकता दिने धारणा राखेका थिए।
नगर कार्यपालिका सदस्य तथा सामाजिक विकास समिती संयोजक शान्ता ढकाल पुडासैनीको अध्यक्षतामा भएको तेश्रो राष्ट्रपति रनिङ शिल्ड प्रतियोगिताको उद्घाटन शत्रमा नगर उपप्रमुख अनिता लामा ,प्रमुख प्रशासकीय अधिकृत भुवनेश्वर लामिछाने, वडा नं १ का अध्यक्ष सुरेन्द्र लामा ,वडा नं २ का अध्यक्ष राजेन्द्र श्रेष्ठ , वडा नं ६ का अध्यक्ष रवी खड्का ,वडा नं ७ का अध्यक्ष बस नारायण महर्जन , वडा नं ८ का अध्यक्ष तथा नगर खेलकुद समितिका संयोजक सुमन तामाङ , वडा नं १० का अध्यक्ष तथा नगर प्रवक्ता नवराज भट्टराई ,वडा नं ११ का अध्यक्ष राजु अधिकारी ,वडा नं १२ का अध्यक्ष शम्भु भट्टराई सहित विभिन्न विद्यालयका प्रधानाध्यापक तथा खेलकुद शिक्षकहरुको उपस्थिति रहेको थियो।
बुढानिलकण्ठ नगरपालिका शिक्षा ,युवा तथा खेलकुद महाशाखाका प्रमुख ललित विक्रम सिंहले संचालन गरेको प्रतियोगिताको उद्घाटन कार्यक्रममा सहभागी विद्यालयका विद्यार्थीहरुले मार्च पासका साथै विभिन्न गतिविधिहरुको प्रस्तुतीकरण गरेका थिए।
