लुम्बिनी प्रदेशमा राष्ट्रिय सभा सदस्य उपनिर्वाचन सम्पन्न, नेकपा एमालेका उम्मेदवार विजयी

कपन अनलाइन

काठमाण्डौ ,माघ २६।

लुम्बिनी प्रदेशबाट राष्ट्रिय सभामा प्रतिनिधित्व हुने रिक्त एक पदका लागिलुम्बिनीप्रदेशको दाङमा उपनिर्वाचन सम्पन्न भएको छ । उपनिर्वाचनमा नेपाल कम्युनिष्ट पार्टी (एमाले ) बाट उम्मेदवार कुमार दसौदी ४ हजार २६ मतभारप्राप्त गरी विजयी भएका छन।

उनका निकटतम प्रतिद्वन्द्वी नेपाली काँग्रेसको तर्फबाट उम्मेदवार रहेका  माधवप्रसाद आचार्यले ३ हजार ७२० मतभार प्राप्त गरेका छन । यसैगरी नागरिक उन्मुक्ति पार्टीको तर्फबाट उम्मेदवार  राजेन्द्र वीर रायले १४४ मतभार प्राप्त गरेका छन  ।
यस उपनिर्वाचनमा लुम्बिनीप्रदेश भित्र रहेका गाउँपालिकाका अध्यक्ष र उपाध्यक्ष तथा नगरपालिका प्रमुख र उपप्रमुख २१८ जना र प्रदेश सभाका सदस्य ८७ जना गरी जम्मा ३०५ जना मतदाता ररहेका थिए  ।
गाउँपालिकाका अध्यक्ष र उपाध्यक्ष तथा नगरपालिका प्रमुख र उपप्रमुख २१७ जना मतदाता र प्रदेश सभाका सदस्यतर्फ ८७ जनामतदाताले मतदान गरेका थिए । यस निर्वाचन प्रणालीमा गाउँपालिकाकाअध्यक्ष र उपाध्यक्ष तथा नगरपालिका प्रमुख र उपप्रमुखको मतभार प्रति मतदाता १८ र प्रदेश सभा सदस्यको मतभार प्रतिमतदाता ४८ मतभार रहने व्यवस्था छ ।