कतारमा जारी विश्वकप फुटबलको फाइनलमा पुग्यो अर्जेन्टिना

कपन अनलाइन 

दोहा, मंगसिर २८। अर्जेन्टिना कतारमा जारी विश्वकप फुटबलको फाइनलमा पुगेको छ। मंगलबार राति दोहाको लुसेल रंगशालामा भएको सेमिफाइनलमाअर्जेन्टिनाले   क्रोएसियालाई ३–० गोलले पराजित गर्दै फाइनलमा प्रवेश गरेको हो ।

अर्जेन्टिनाको जितमा जुलियान अल्भारेजले दुई र लियोनल मेस्सीले एक गोल गरे। ३४ औं मिनेटमा पेनाल्टीमार्फत गोल गर्दै मेस्सीले अग्रता दिलाएका थिए। ३९ औं मिनेटमा जुलियान अल्भारेजले गोल गरेका थिएभने  ६९ औं मिनेटमा मेस्सीको शानदार असिस्टमाजुलियान अल्भारेजले अर्जेन्टिनालाई ३–० गोलले अगाडि बढाएका थिए।अर्जेन्टिनाले उपाधिका लागि फ्रान्स र मोरक्को बीच हुने अर्को सेमिफाइनलको विजेतासँग प्रतिस्पर्धा गर्ने छ।