काठमाण्डौ क्षेत्र नं ४ मा गगन थापाको अग्रता निरन्तर
कपन अनलाइन
काठमाडौँ, मङ्सिर ५।
काठमाण्डौ क्षेत्र नं ४ मा गगन थापाले अग्रता कायम राखेका छन । बुढानिलकण्ठ नगरपालिका वडा नं १ ,२,८,९ र १० को मतगणना सम्पन्न हुँदा थापाले १५४८ मतको अग्रता कायम गरेका हुन्।
हालसम्म थापाले ६९७५ मत प्राप्त गरेका छन भने डा.भट्टराईले ५४२७ मत प्राप्त गरेका छन।
काठमाण्डौ क्षेत्र नं ४ मा कुल मतदाता ६९,६५२ रहेका छन। निर्वाचन आयोगले प्रकासित गरेको अन्तिम नामावली अनुसार काठमाण्डौ क्षेत्र नं ४ का १२ वटा वडाको कुल मतदाता ६९ हजार६ ७ सय ५२ रहेको छ।
काठमाण्डौ क्षेत्र नं ४ मा सबैभन्दा बढी मत काठमाण्डौ महानगरपालिका वडा नं ७ मा रहेको छ भने सबै भन्दा कम मत बुढानिलकण्ठ नगरपालिका वडा नं १ मा रहेको छ।
काठमाण्डौ क्षेत्र नं ४ मा ३१ जना उम्मेदवार रहेका छन जसमा २९ पुरुष र २ महिला उम्मेदवार रहेका छन। क्षेत्र नं ४ मा ३६,२७७ महिला मतदाता रहेका छन भने ३३,४७४ पुरुष मतदाता रहेका छन।
