काठमाण्डौ क्षेत्र नं ४ का हजारौ “डा.राजन भट्टराई संग मर्निङ्ग वाक” मा सहभागी
कपन अनलाइन
काठमाडौँ, मंगसिर १।
मंगसिर ४ गते हुने प्रतिनिधि सभाको निर्वाचनमा प्रचार प्रसारको अन्तिम दिन मंगसिर १ गते काठमाण्डौ क्षेत्र नं ४ मा नेकपा एमालेका उम्मेदवार डा.राजन भट्टराईले आयोजना गरेको “डा.राजन भट्टराई संग मर्निङ्ग वाक” मा हजारौ सहभागी भएका छन।
नेकपा एमाले काठमाण्डौ क्षेत्र नं ४ निर्वाचन परिचालन कमिटीले आयोजना गरेको सो कार्यक्रममा नेता तथा कार्यकर्ताहरु सहित स्थानीयहरुको निकै उत्साहपूर्ण उपस्थिति रहेको थियो।
नेकपा एमाले क्षेत्रीय कमिटीको कार्यालयबाट सुरु भएको सो प्रातकालीन पदयात्रा काठमाण्डौ महानगरपालिका वडा नं ७ र ३० का विभिन्न स्थान परिक्रमा गरेर वडा नं ७ को कालोपुलमा समापन भएको थियो।
नेकपा एमालेका बागमती प्रदेस कमिटी सदस्य निर्मल कुइकेल,उद्दव खरेल, सुकुलाल सुनार (संगम ),काठमाण्डौ क्षेत्र नं ४ (१ ) का प्रदेस सभा सदस्य उम्मेदवार तेज प्रसाद ढकाल सहित “मर्निङ्ग वाक” मा निस्कदा स्थानीयहरुबाट निकै न्यानो स्वागत र प्रतिक्रिया पाएका डा.भट्टराई उत्साहित देखिएका थिए।
काठमाण्डौ क्षेत्र नं ४ मा सबैभन्दा बढी मत काठमाण्डौ महानगरपालिका वडा नं ७ मा रहेको छ भने सबै भन्दा कम मत बुढानिलकण्ठ नगरपालिका वडा नं १ मा रहेको छ।
