ईश्वर पोखरेलको साथमा बुढानिलकण्ठ नगर प्रमुख मिठाराम अधिकारी….
कपन अनलाइन
काठमाण्डौ ,कार्तिक २१।
काठमाण्डौ क्षेत्र नं ५ मा नेकपा एमालेका तर्फबाट प्रतिनिधि सभा सदस्य उम्मेदवार ईश्वर पोखरेल र बुढानिलकण्ठ नगरपालिकाका प्रमुख मिठाराम अधिकारी आज एक कार्यक्रममा संगै देखिएका छन।
निर्वाचन आयोगको आचार संहिताका कारण राजनीतिक कार्यक्रम र सभामा प्रत्यक्ष रुपमा सहभागी हुन् नपाएका नगर प्रमुख अधिकारी र चुनावी दौडमा रहेका पोखरेल एक पुस्तक विमोचन कार्यक्रममा संगै देखिएका हुन्।
बुढानिलकण्ठ नगरपालिकाका ५ वटा वडा रहेको काठमाण्डौ क्षेत्र नं ५ मा प्रतिनिधि सभा सदस्य उम्मेदवार रहेका पोखरेलले सो अवसरमा अमृत दोर्जेको आत्मकथा पर्खाइ सार्वजनिक समेत गरेका थिए।
बुढानिलकण्ठ नगरपालिका वडा नं ७ को ताज पार्टी प्यालेसमा भएको सो पुस्तक सार्वजनिकीकरण कार्यक्रमको संचालन नगर उपप्रमुख अनिता लामाले गरेकी थिइन् ।
तपाइँको प्रतिक्रिया ।
