कपअन सपोर्ट सेन्टरमा अन्तरविद्यालय  फुटसल प्रतियोगिता सुरु

कपन अनलाइन

काठमाण्डौ ,भाद्र २४।

काठमाडौं खेलकुद समाजको आयोजना तथा कपअन सपोर्ट सेन्टर र काठमाडौं किर्कस एकेडेमीको सहकार्यमा आयोजित अन्तरविद्यालय  फुटसल प्रतियोगिता बुढानिलकण्ठ नगरपालिका वडा नं १० वालुवाखानीको  सेभन ए साईड इण्डोर खेलमैदानमा सुरु भएको छ ।

१९ विद्यालयहरुले सहभागीता जनाएको प्रतियोगिताको उद्घाटन एन्फाका पूर्व अध्यक्ष कर्मा छिरिगं शेर्पाले गरेका छन । प्रतियोगितामा सहभागी विद्यालयहरुम विभिन्न समुहमा विभाजन गरी लिगकम नकआउटाका आधारमा सञ्चालन हुने प्रतियोगिताको फाइनल खेल आइतबार हुने आयोजकले बताएको छ ।

काठमाडौं खेलकुद समाजका अध्यक्ष बद्री भट्राईको सभापतित्वमा सम्पन्न भएको कार्यक्रम  विद्यार्थीहरुको खेलकुद  प्रतिको रुचिलाई थप मजबुत बनाउन यस प्रतियोगिता आयोजना गरिएको शेखर चालिसेले जानकारी दिएका छन  ।

उद्घाटन समारोहमा नेपाली काँग्रेसका नेताहरु रामप्रसाद लुईटेल, रिता बुढाथोकी, राजाराम थापा ,बुनपा ११ वडा सदस्य शर्मिला केसी , स्वास्थ्य स्वयंसेवीका तारा नेपाली, केयु सिटि कलेजका माधव त्रिपाठी, अष्टेलियन कलेज स्ट्राफोर्डका नेपाल प्रतिनिधी किरण जंग कार्की,पुर्व  राष्ट्रिय खेलाडी चेतन घिमिरे लगायतको उपस्थिती रहेको थियो ।