शंखरापुरका जनप्रतिनिधिहरुलाई राष्ट्रिय लोक तथा दोहोरी गीत प्रतिष्ठान नेपाल काठमाडौ जिल्लाको बधाई

कपन अनलाइन

काठमाडौं साउन २ । राष्ट्रिय लोक तथा दोहोरी गीत प्रतिष्ठान नेपाल काठमाडौ जिल्लाले  आयोजित शंखरापुर नगरपालिकाका नवनिर्वाचित जनप्रतिनिधिहरुलाई  बधाई तथा सम्मान कार्यक्रम सम्पन्न गरेको छ ।

शनिबार साँखु स्थित शालीनदी पार्टी भेन्युमा  राष्ट्रिय लोक तथा दोहोरी गीत प्रतिष्ठान नेपाल काठमाडौ जिल्ला अध्यक्ष मीना बज्राचार्यको अध्यक्षतामा सम्पन्न उक्त कार्यक्रममानगर प्रमुख रमेश नापित , उप प्रमुख समिता श्रेष्ठ नगर प्रवक्ता राधाकृष्ण श्रेष्ठ सहित ९ वटै वडाका वडा अध्यक्षहरुलाई बधाई तथा सफल कार्यकाल शुभकामना सहित सम्मान गरिएको थियो ।

कार्यक्रममा राष्ट्रिय लोक तथा दोहोरी गीत प्रतिष्ठान नेपालका केन्द्रीय अध्यक्ष चन्द्र शर्मा, बागमती प्रदेशका अध्यक्ष बासु सिंखडा , प्रदेश कोषाध्यक्ष भिम कार्की सहित संस्थाको बिभिन्न पदाधिकारीहरुको उपस्थिति रहेको थियो ।