गोकर्णेश्वर ८मा रहेको छहारी युवा क्लब सामुदायिक भवन उद्घाटन

कपन अनलाइन

काठमाडौँ, साउन १ ।   गोकर्णेश्वर नगरपालिका वडा नं ८ मा रहेको छहारी युवा क्लब सामुदायिक भवन उद्घाटन गरिएको छ।   शनिबार प्रतिनिधि सभा सदस्य माननीय कृष्ण बहादुर राइ, नगर प्रमुख दिपक रिसाल र निवर्तमान नगर प्रमुख सन्तोष चालिसेले संयुक्त रुपमा उक्त भवनको उद्घाटन गरेका हुन ।

बागमती प्रदेश सभा सदस्य रामेश्वर फुयालको सिफारिस तथा गोकर्णेश्वर नगरपालिकाको आर्थिक सहयोगमा निर्माण भएको सो भवन निर्माणको लागि बागमती प्रदेश सरकारले १९ लाख ७३ हजार र नगरपालिकाले  १५ लाख सहयोग गरेको थियो ।

क्लबका अध्यक्ष लक्ष्मण श्रेष्ठको अध्यक्षतामा भएको उक्त सामुदायिक भवन उद्घाटन कार्यक्रममा गोकर्णेश्वर नगरपालिका वडा नं ८ का वडा अध्यक्ष नन्दलाल श्रेष्ठ, वडा नं ९ का  वडा अध्यक्ष राजिब थापा,वडा नं ८ का वडा सदस्यहरु सुमन लामा ,चन्द्रलाल श्रेष्ठ, सीता तिमिल्सिना सोबिता मिजार क्लबका संरक्षक माधब खनाल, दिपक सिंह भण्डारी, सल्लाहकार बिनोद चापागाईं, लगायत क्लबका पदाधिकारी सहित स्थानीयको उपस्थिति रहेको कार्यक्रम संचालन क्लबका सचिव संगम थापा श्रेष्ठले गरेका थिए   ।