गोकर्णेश्वर महादेव मन्दिर क्षेत्र प्रवन्ध समितिका अध्यक्ष जयराम महतले कार्यभार सम्हाले

कपन अनलाइन

काठमाडौं, असार १३ । गोकर्णेश्वर नगरपालिका वडा नं ४ का वडा अध्यक्ष जयराम महत गोकर्णेश्वर महादेव मन्दिर क्षेत्र प्रवन्ध समिति अध्यक्षको कार्यभार सम्हालेका छन । निवर्तमान वडा अध्यक्ष श्रीकुमार श्रेष्ठको अध्यक्षमा बसेको बैठकले  नव निर्वाचित वडा अध्यक्ष जयराम महतलाई पदबहाली गर्ने निर्णय संगै  महतले आइतबार कार्यभार सम्हालेका हुन।

पदभार सम्हाले पश्चात कपन अनलाइन संग संक्षिप्त कुरा गर्दै समितिका अध्यक्ष जयराम महतले लिच्छविकालीन गोकर्णेश्वर महादेव  मन्दिर क्षेत्रको  विकासका लागि नगर प्रदेश र केन्द्र सरकार संग समन्वय गरि सबै संग सल्लाह सुझाब लिएर अघि बढ्ने बताए । समितिका अध्यक्ष महतलाइ निवर्तमान वडा अध्यक्ष श्रीकुमार श्रेष्ठ लगायतले सफल कार्यकालको शुभकामना दिएका थिए ।