रिलायन्स इन्टरनेसनल एकेडेमीको निवन्ध प्रतियोगितामा नगद पुरस्कार र छात्रवृति प्राप्त गर्ने अवसर
कपन अनलाइन
काठमाण्डौ ,असार ९ ।
रिलायन्स इन्टरनेसनल एकेडेमीले एस ई ई परिक्षामा सामेल भएका विद्यार्थीहरुको सहभागिता रहने दोश्रो राष्ट्रब्यापी खुल्ला निवन्ध प्रतियोगिता गर्ने भएको छ।
“तपाइको स्थानीय क्षेत्रमा फोहोर व्यवस्थापनका चुनौती र समाधानहरु ” विषयक सो निवन्ध प्रतोयोगितामा सहभागिता जनाउन चाहाने विद्यार्थीहरुले असार ५ गते देखि १५ गते सम्म २०० देखि २५० शव्द सम्मको निवन्ध क्याम्पसमा बुझाउनु पर्नेछ।
सो प्रतियोगितामा प्रथम हुनेले नगद १० हजार ,दितीय हुनेले नगद ६ हजार ,तृतीय हुनेले नगद ४ हजार र सान्त्वना प्राप्त गर्ने १० जनाले नगद १ हजार सहित विभिन्न छात्रवृति प्राप्त गर्ने क्याम्पसले जानकारी दिएको छ।
सो प्रतियोगितामा सामेल हुन् चाहाने विद्यार्थीहरुले essay [email protected] मा आफ्नो निवन्ध पठाउन सकिने जानकारी दिदै क्याम्पसले विजेतहरुका लागि छात्रवृतिको पनि व्यवस्था रहेको जनाएको छ।
नगद पुरस्कार र छात्रवृति प्राप्त गर्न सकिने निवन्ध लेखन प्रतियोगितामा सहभागी हुने विद्यार्थीहरुले असार १५ गते भित्र नाम ,विद्यालयको नाम ,जिल्ला र सम्पर्क नम्बर सहित आफ्नो निवन्ध माथिको इमेल ठेगानामा पठाउन सक्नेछन ।
