गाम्चा युवा क्लब गोकर्णेश्वर ३ द्वारा बृहत सरसफाई तथा वृक्षारोपण
कपन अनलाइन
काठमाडौं, जेठ १७ । गोकर्णेश्वर नगरपालिका वडा नं ३ गाम्चामा रहेको गाम्चा युवा क्लबले बृहत सरसफाई तथा वृक्षारोपण कार्यक्रम सम्पन्न गरेको छ । जेठ १६ गते सोमबार गोकर्णेश्वर नगरपालिका वडा नं ३ गाम्चा क्षेत्र र गाम्चा सामुदायिक बन जगडोलको सरसफाई गरेको हो ।
उक्त कार्यक्रममा स्थानीय तहको निर्वाचनमा निर्वाचित गोकर्णेश्वर नगरपालिका प्रमुख दिपक रिसाल ,उप प्रमुख सान्नानी लामा निवर्तमान उप प्रमुख शान्ती नेपाल , गोकर्णेश्वर ३ का वडा अध्यक्ष मुरारी प्रसाद कुइकेल, वडा सदस्य लक्ष्मी भण्डारी, बुद्दी बहादुर श्रेष्ठ गाम्चा युवा क्लबका अध्यक्ष जुठे नगरकोटी यज्ञडोल जगडोल सामुदायिक बनका अध्यक्ष सुदर्शन सिग्देल, गोकर्णेश्वर ३ का अध्यक्षका उम्मेदवार हर्क बहादुर तामाङ लगायत स्थानीयको उपस्थितिमा बृहत सरसफाई तथा बृक्षारोपण गरिएको आयोजक संस्थाका उपाध्यक्ष राजेश श्रेष्ठले कपन अनलाइनलाइ जानकारी गराए ।
साथै सोहि कार्यक्रममा स्थानीय तहको निर्वाचनमा निर्वाचित गोकर्णेश्वर नगरपालिका प्रमुख दिपक रिसाल उप प्रमुख सान्नानी लामा गोकर्णेश्वर ३ का वडा अध्यक्ष मुरारी प्रसाद कुइकेल, वडा सदस्य लक्ष्मी भण्डारी बुद्दी बहादुर श्रेष्ठ लगायतलाई बधाई सहित सफल कार्यक्रमको शुभकामना र सम्मान गरिएको थियो भने निवर्तमान उप प्रमुख शान्ती नेपाललाइ पनि सम्मान गरिएको थियो ।
