गोकर्णेश्वर-३ मा नव निर्वाचित वडा अध्यक्ष मुरारी प्रसाद कुइँकेल सहित सदस्यहरुले पदभार ग्रहण गरे
कपन अनलाइन
काठमाडौं, जेठ १० । गोकर्णेश्वर नगरपालिका वडा नं ३ मा नव निर्वाचित वडा अध्यक्ष मुरारी प्रसाद कुइकेल सहित सदस्यहरुले सोमबार पदभार ग्रहण गरेका छन । सोमबार नै नगरपालिकाको सभाहलमा नगर प्रमुख दिपक रिसालले पद तथा गोपनियता सपथ खुवाए संगै वडा कार्यलय पुगी वडा अध्यक्ष मुरारी प्रसाद कुइकेल लगायत वडा सदस्यहरु बुद्धि बहादुर श्रेष्ठ, सचिन लामा चित्रमाया बि. क र लक्ष्मी भण्डारीले पदभार ग्रहण गरेका हुन ।
नवनिर्वाचित वडा अध्यक्ष सहित सदस्यहरुलाई वडा कार्यालयमा निवर्तमान वडा अध्यक्ष राजेन्द्र कुमार भण्डारी नेकपा जिल्ला कमिटि सदस्य गोकुल बिष्ट सहित वडा सचिब र अन्य कर्मचारीहरुले स्वागत गरेका थिए ।
पदभार ग्रहण गरे संगै निर्वाचित वडा अध्यक्ष मुरारी प्रसाद कुइकेलले आम मतदातालाइ धन्यवाद दिदै वडा नं ३ को पर्यटन पूर्वाधार बिशेष कृषि योजना लगायतका योजनालाई प्राथमिकतामा राखेर समग्र वडाको विकासका लागि आफुले पहल गर्ने बताएका छन । ५ वर्ष जनप्रतिनिधिबाट हुन नसकेका कामदेखि यो बीचमा भएका विसंगति र अनियमितता बाट मुक्त गर्दै वडा बासीको सेवामा अहोरात्र खट्ने प्रतिबद्धता ब्यक्त गरेका छन । वडालाई भ्रस्टाचार बाट मुक्त राखी सुशासन कायम गर्न आफुले पहल गर्ने पनि बताएका छन ।
