सामाजिक सेवा र महिला शशक्तिकरणका लागि सक्रिय सान्नानी लामा गोकर्णेश्वरको चुनावी मैदानमा

कपन अनलाइन

काठमाडौं बैशाख २७  । २०७४ सालको स्थानीय निर्वाचनमा नेकपा एमाले बाट  गोकर्णेश्वर नगरपालिका वडा नं ८ को  सदस्यमा निर्वाचित हुदै जिल्ला समन्वय समिति काठमाडौंको सदस्य भएर सफलतापुर्वक  पाच बर्षे कार्यकाल पुरा गरेकी सान्नानी लामाले  गोकर्णेश्वर नगरपालिकाको उप प्रमुखमा उम्मेदवारी दिएकी छिन सामाजिक सेवा र महिला शशक्तिकरणका लगायतको  क्षेत्रमा निरन्तर सक्रिय रहेकी शालिन र भद्र नेतृका रुपमा परिचित लामाले गरेको समाजसेवाको कारण सबै बीच लोक प्रिय रहेकी छिन ।

जीवनमा थुप्रै आरोह अवरोह पार गर्दै स्थापित भएकी लामाले आसन्न स्थानीय तहको निर्वाचनमा गोकर्णेश्वर नगरपालिकाको उप प्रमुख पदमा उम्मेदवारी दिएकी हुन । जन अपेक्षा अनुसार  नगरको बिकासमा आफ्नो पहल रहने बताउने लामाले पांच बर्ष संगालेको अनुभबको आधारमा थप काम गर्नको लागि त्यो अनुभब फलदायी हुने  उनले बिश्वास ब्यक्त गरेकी छिन ।