एमालेमय बन्यो ओखलढुंगाको मोलुंग श्रीचौर, १ सय ५० नेता कार्यकर्ता एमाले प्रवेश

कपन अनलाइन

काठमाण्डौ ,बैशाख २७।

ओखलढुंगाको श्रीचौरमा १ सय ५० जना नेता कार्यकर्ता अन्य पार्टी परित्याग गरि एमालेमा प्रवेश गरेका छन् ।

नेकपा एमाले मोलुङ गाउँपालिका ६ श्रीचौरमा आयोजित चुनावी आम सभामा नेपाली कांग्रेस वडा समिति सचिव लालमान तामाङ र पुराना कांग्रेस नेता गंगा तामाङ सहित १ सय ५० जना एमालेमा प्रवेश गरेका हुन् ।

पार्टी प्रवेश गरेकाहरुलाई एमाले नेता तथा संघिय सांसद यज्ञराज सुनुवारले स्वागत गरेका छन् । पार्टी प्रवेश गरेका नवप्रवेशीहरुलाई योग्यता अनुसार जिम्मेवारी दिइने पनि उनले बताएका छन् ।