नविन कार्य गरेर चर्चामा रहेका नबिन श्रेष्ठ बुढानिलकण्ठ -१ को चुनावी मैदानमा

कपन अनलाइन

काठमाण्डौ ,बैशाख २७।

बुढानिलकण्ठ नगरपालिका वडा नं १ मा विभिन्न अभियानहरुमा रचनात्मक र नविन काम गरेर चर्चा कमाएका नबिन श्रेष्ठ दोश्रो पटक चुनावी मैदानमा उत्रिएका छन।

२०७४ सालको स्थानीय तहको निर्वाचनमा बुढानिलकण्ठ नगरपालिका वडा नं १ को सदस्यमा निर्वाचित भएका श्रेष्ठले वडामा विभिन्न सृजनशील अभियानको नेतृत्व गर्दै वडा अध्यक्ष सुरेन्द्र लामालाई साथ दिएका थिए।

वडा नं १ को विकास अवधारणा सहितको घोषणा पत्र बोकेर जनताको घर दैलोमा पुगेका श्रेष्ठले वडावासीको सेवाका लागि दोश्रो पटक खुल्ला सदस्य पदमा उम्मेद्वारी दिएको बताएका छन ।