चम्पादेवी-६ मा चर्चित नेता ऋषि न्यौपानेको पक्षमा माहोल

कपन अनलाइन

काठमाण्डौ ,बैशाख २७।

ओखलढुंगा जिल्लाको चम्पादेवी गाउँपालिका वडा नं ६ मा नेकपा एमालेका तर्फबाट वडा अध्यक्ष पदका उम्मेदवार ऋषि न्यौपानेको पक्षमा व्यापक माहोल देखिएको चर्चा चलेको छ।

लामो समय देखि वडा नं ६ को विकास निर्माण र सामाजिक सेवाको क्षेत्रमा सक्रिय रहेका न्यौपानेलाई नेपाली कांग्रेस र नेकपा माओवादी केन्द्रका कतिपय नेता तथा कार्यकर्ताहरुले समेत सहयोग गर्ने वातावरण सृजना भए संगै उनको माहोल निकै बलियो बनेको एक नेताले बताएका छन।

सो क्षेत्रको महत्वपूर्ण शैक्षिक धरोहर ज्ञानप्रकास मावीको व्यवस्थापन समिती अध्यक्ष रहेर शैक्षिक विकासमा निकै राम्रो कम गरेका न्यौपानेले वडाको पूर्वाधार र मानवीय विकासलाई केन्द्रमा राख्दै घर दैलो अभियानलाई तीव्रता दिएका छन ।