बुढानिलकण्ठ नगरपालिका वडा नं १२ का अध्यक्ष उम्मेदवार सुनित चालिसेको घरदैलो अभियान सुरु

कपन अनलाइन

काठमाण्डौ ,बैशाख १८।

बुढानिलकण्ठ नगरपालिका वडा नं १२ मा नेपाली कांग्रेसका वडा अध्यक्ष उम्मेदवार सुनित चालिसेले घरदैलो अभियान सुरु गरेका छन।

बैशाख ३० गते हुने स्थानीय तहको निर्वाचनका लागि  सुरु गरिएको घर दैलो कार्यक्रममा वडा सदस्यका उम्मेदवार नवराज खनाल ,सुर्य खड्गी,सुशिला घिमिरे ( दाहाल ) र कल्पना नेपाली सहित घर दैलो निस्किएका चालिसेले वडा नं १२ का विभिन्न क्षेत्रमा मत मागेका थिए।

लामो समय वडा नं १२ कोराजनीतिक नेतृत्वमा रहेर सामाजिक र विकास निर्माणका क्षेत्रमा क्रियाशील रहेका उनको घर दैलो कार्यक्रममा नेपाली कांग्रेसका नेता ,कार्यकर्ता तथा शुभचिन्तकहरुको सहभागिता रहेको थियो।