गोकर्णेश्वर नगरपालिकाको प्रमुखमा एमालेका उद्दब बिष्ट र उपप्रमुखमा सानान्नी लामाले मनोनयन दर्ता गराए

कपन अनलाइन

काठमाडौँ,बैशाख १२ । गोकर्णेश्वर नगरपालिकामा  नेकपा एमालेले उम्मेदवारी दर्ता गराएको छ । नेकपा एमालेका नगर अध्यक्ष उद्दब बिष्ट मेयरको लागि मनोनयन दर्ता गराएका हुन् । त्यस्तै उपमेयरमा सानान्नी लामाले  मनोनयन दर्ता गराएकी छन् ।बाजागाजा सहित मुख्य निर्वाचन अधिकृतको कार्यालयमा गएको एमालेको टोलीले मेयरमा बिष्ट र उपमेयरमा लामा सहित ९ वटै वडामा उम्मेदवारी दर्ता गराएका हुन् ।मनोनयन दर्ता गर्न मुख्य निर्वाचन अधिकृतको कार्यालय गोकर्णेश्वर पुगेका मेयरका उम्मेदवार बिष्टले समग्र गोकर्णेश्वरको  विकासको लागि आफ्नो उम्मेदवारी भएको बताएका छन्  ।