नेपाली कांग्रेस बुढानीलकण्ठ नगरपालिका वडा नं २ समितिको कार्यालय उद्घाटन
कपन अनलाइन
काठमाण्डौ ,बैशाख ४।
नेपाली कांग्रेस बुढानीलकण्ठ नगरपालिका वडा नं २ समितिको कार्यालय उद्घाटन गरिएको छ।
बुढानीलकण्ठ २ भद्रबस्ती भंगालमा कार्यालय उदघाटन गर्दै प्रमुख अतिथि महामन्त्री थापाले पार्टीको हितमा र सर्वसम्मत रुपमा उम्मेदवार छनौट गर्नका लागि आग्रह गरेका थिए।
नव वर्ष २०७९ का अवसरमा शुभकामना आदानप्रदान सहित भएको कार्यक्रममा बोल्दै थापाले बुढानीलकण्ठ नगरपालिकामा एउटा नमुना नगर अस्पताल बनाउने काम बाँकी नै रहेको र त्यसका लागि सम्बन्धित ठाउँबाट अहिलेसम्म सहयोग हुन नसकेको बताउदै आउने निर्वाचनमा नेपाली कांग्रेसले जसरि पनि बुढानिलकण्ठ नगरपालिकामा जित्ने गरी लाग्न निर्देशन दिएका थिए।
बुढानिलकण्ठ नगरपालिका वडा नं २ का सभापति जनक थापाको अध्यक्षतामा सम्पन्न भएको कार्यक्रममा विशिष्ट अतिथि सांसद दिव्यमणि राजभण्डारी, नेपाली कांग्रेस प्रदेश सांसद एवं बागमती प्रदेशका सचेतक राधा घले, बागमती प्रदेश सदस्य एवं लेखा समितिमा सभापति न्हुच्छेनारायण श्रेष्ठ, जिल्ला उपभापति गोकर्ण केसी, जिल्ला सचिव इन्द्र थापा, क्षेत्रीय सभापति श्यामकृष्ण संगत, जिल्ला सदस्य काशीलाल श्रेष्ठ, बागमती प्रदेश सदस्य सानुकान्छा श्रेष्ठ, रेखा परियारको उपस्थिति रहेको थियो ।
त्यसैगरी कार्यक्रममा महाधिवेशन प्रतिनिधिहरु, क्षेत्रीय कोषाध्यक्ष, सदस्य, प्रदेश क र ख का सभापति, सदस्यहरु, इकाईका पदाधिकारीहरु, टोल कार्यसमितिका सभापतिहरु, भातृ संस्था ननेपाल महिला, तरुण दल, नेपाल विद्यार्थी संघ, नेपाल ट्रड युनियन कांग्रेसका प्रमुख तथा प्रतिनिधिहरुको सहभागिता रहेको थियो ।
इकाई सभापति जनक थापाले सहभागीलाई स्वागत गर्दै वडा नम्बर २ मा नेपाली कांग्रेसको संगठन मजबूद रहेको बताउदै वडा नम्बर २ मा ९ वटा टोल समिति गठन भएको जानकारी गराएका थिए ।
