नेकपा एमाले काठमाण्डौको उम्मेदवारी सिफारिस गर्ने तालिका सार्वजनिक, कहिले हुनेछ सिफारिस ?

कपन अनलाइन

काठमाण्डौ ,चैत्र २४।

नेकपा एमाले काठमाण्डौले  उम्मेदवारी सिफारिस गर्ने तालिका सार्वजनिक गरेको छ।चैत्र १५ गते बसेको   नेकपा एमाले काठमाण्डौ जिल्ला कमिटीको दोश्रो बैठकले स्थानीय तहको निर्वाचनका लागि उम्मेदवार सिफारिस गर्ने तालिकाका वारेमा निर्णय गरेको थियो।

नेकपा एमाले काठमाण्डौ जिल्ला कमिटिको दोश्रो पूर्ण बैठकले चैत्र २६ गते जिल्लाका १३८ वटै वडामा  उम्मेदवारीका लागि अभिमुखीकरण भेला आयोजना गर्ने निर्णय गरेको छ । उक्त भेला चैत्र २६ गते सनिवार १ बजे सबै वडामा हुनेछ।

त्यस्तै सो बैठकले  वडा तहमा उम्मेदवारहरुको सिफारिस चैत्र २८ गते सोमवार गर्ने निर्णय गरेको छ भने नगरपालिका स्तरमा चैत्र २९ गते मंगलवार उम्मेदवारहरु सिफारिस हुनेछन।

काठमाण्डौ जिल्ला कमिटीले तालिका सार्वजनिक गर्दै सर्वसम्मतिमा उम्मेदवार सिफारिस गर्न अधिकतम प्रयास गर्न निर्देशन दिदै सो नभएको अवस्थामा मापदण्ड र नीतिका आधारमा माथिल्लो कमिटीमा नाम सिफारिस गर्नका लागि निर्देशन दिएको छ।