भगवती युवा क्लबको १६औं वार्षिक उत्सवको अवसरमा आयोजित व्हीलचियर रेस सम्पन्न

कपन अनलाइन

काठमाडौँ,चैत्र २२ ।  अपाङ्गता भएका व्यक्तिहरुको शारीरिक विकास गराउने उद्धेश्य सहित  भगवती युवा क्लबको १६ औं वार्षिक उत्सवको अवसरमा  आयोजित व्हीलचियर रेस सम्पन्न भएको छ । आज भएको उक्त प्रतियोगितामा  २४ जना पुरुष र १० जना महिलाहरु गरि कुल ३४ जनाले  सहभागिता जनाएका थिए। गोकर्णेश्वर नगरपालिका ९ भगवती स्थान बाट अत्तरखेल शिवपुरी चोक सम्म भएको उक्त व्हिल चियर  प्रतियोगितामा पुरुष तर्फ  बिष्णु पुकार श्रेष्ठ प्रथम, रामकाजी मिजार  दितीय र अर्जुन दोङ तृतीय भए भने महिला तर्फ  ऐश्वरी कुमाल प्रथम रजनी राइ दितीय र पेमा छोक्पा गुरुङ तृतीय भइन ।

 प्रतियोगितामा प्रथम दितीय र तृतीय हुने खेलाडीहरुले जनही नगद  क्रमश रु १० हजार, ७ हजार र ५ हजार सहित ट्रफी मेडल र प्रमाण पत्र प्राप्त गरे भने सहभागी हुने खेलाडीहरुले सान्त्वना पुरस्कार स्वरुप प्रति खेलाडीले नगद रु ३ सय सहित प्रमाणपत्र प्राप्त गरेका थिए ।

भगवती युवा क्लबका अध्यक्ष अस्मिता श्रेष्ठको अध्यक्षता भएको सो प्रतियोगिताका बिजेताहरुलाई कार्यक्रमका प्रमुख अतिथि गोकर्णेश्वर नगरपालिका  उप प्रमुख शान्ती नेपाल गोकर्णेश्वर नगरपालिका वडा नं ९ का वडा सदस्य हरि कृष्ण कारंजित जिल्ला समन्वय समिति सदस्य सान्नानी लामा, गोकर्णेश्वर नगरपालिका वडा नं ४ का वडा सदस्य जयराम महत ,यज्ञडोल जगडोल सामुदायिक बनका अध्यक्ष सुदर्शन सिग्देल नेकपा एसका नेता गोबिन्द बहादुर श्रेष्ठ लगायतले बिजयी खेलाडीहरुलाई परस्कार वितरण गरेका थिए ।