गोकर्णेश्वर नगरपालिकामा मेयर कप बिध्यालय स्तरीय भलिबल प्रतियोगिता २०७८ सम्पन्न

कपन अनलाइन

काठमाडौं चैत्र १३ । गोकर्णेश्वर नगरपालिकामा मेयर कप बिध्यालय स्तरीय भलिबल प्रतियोगिता २०७८ सम्पन्न भएको छ ।गोकर्णेश्वर नगरपालिका युवा तथा खेलकुद विकास समितिको आयोजना तथा गोकर्णेश्वर युवा जागरण क्लब (GFG)को संयोजनमा  गोकर्णेश्वर नगरपालिका वडा नं २ स्थित बाल सुधार माबीको खेल मैदानमा  शुरु भएको उक्त प्रतियोगितामा नगरपालिकाका १० वटा बिध्यालयले सहभागिता जनाएका  थिए । दुइ दिन सम्म चलेको  सो  प्रतियोगिताको शनिबार समापन भएको हो ।

 गोकर्णेश्वर युवा जागरण क्लब (GFG)को अध्यक्ष विकेश श्रेष्ठको अध्यक्षतामा सम्पन्न समापन सत्रको प्रमुख अतिथिको रुपमा गोकर्णेश्वर नगरपालिका प्रमुख सन्तोष चालिसे रहेका थिए भने बिशेष अतिथिको रुपमा नगर उप प्रमुख शान्ती नेपाल ,प्रमुख प्रशासकीय अधिकृत बैकुण्ठ प्रसाद सापकोटा, वडा नं ९ का वडा अध्यक्ष राजिब थापा, नगरपालिकाका प्रमुख सल्लाहकार दिपक रिसाल,

 गोकर्णेश्वर नगरपालिका युवा तथा खेलकुद  उप शाखा प्रमुख राम नारायण शाह, गोकर्णेश्वर नगरपालिका युवा तथा खेलकुद विकास समितिका अध्यक्ष संजय लामा,  बाल सुधार माबीका प्रधानाध्यापक हेमराज घिमिरे, गोकर्णेश्वर युवा जागरण क्लब (GFG) का अध्यक्ष विकेश श्रेष्ठ,गोकर्णेश्वर नगरपालिका युवा तथा खेलकुद बिकास समितिका सदस्य सत्रुधन सुवेदी, दिनेश राइ नेपाली कांग्रेस गोकर्णेश्वर नगर अध्यक्ष कुमार लामा क्लबका सल्लाहकार ज्ञानकुमार श्रेष्ठ, बाल कृष्ण श्रेष्ठ (लाक्स) लगायत बिभिन्न बिध्यालयका प्रधानाध्यापक शिक्षक खेलाडी र खेलप्रेमी दर्शकहरुको उपस्थिति रहेको  थियो ।

प्रतियोगितामा चामुण्ड मावि प्रथम भएको छ भने कान्ति भैरब गुरुकुल दितीय र सहयोगी माबी तृतीय हुन सफल भएको थियो ।प्रतियोगितामा अनुसासित टिम बाल सुधार माबी हुन सफल भयो भने उत्कृष्ट सटर चामुण्डा माविका आशिक तामाङ, उत्कृष्ट ब्लकर चामुण्डा माविका अभिषेक मगर,बेस्ट स्पाइकर कान्ति भैरब गुरुकुलका  सरोज गौतम , बेष्ट डिफेन्डर सहयोगी माविका सप्त लिम्बुले हात पारे ।प्रतियोगितामा बिजयी  र उत्कृष्ट हुने खेलाडीहरुलाई कार्यक्रमका प्रमुख अतिथि बिशेष अतिथि लगायतले पुरस्कार वितरण गरेका थिए ।