गोकर्णेश्वर नगरपालिका वडा नं ३ मा दोस्रो वडा अध्यक्ष दौड प्रतियोगिता हुने

कपन अनलाइन

काठमाडौं, चैत्र ७ । गोकर्णेश्वर नगरपालिका वडा नं ३मा  दोस्रो वडा अध्यक्ष दौड प्रतियोगिता हुने भएको छ।  सुन्ताखान युवा क्लबको बार्षिक कार्यक्रम अन्तर्गत २०७८ साल चैत्र १२ गते शनिबार  दोस्रो वडा अध्यक्ष दौड प्रतियोगता गर्न लागिएको हो ।नगरपालिकाका पर्यटकीय स्थलको प्रवर्धन  गर्नुको साथै खेलकुद मार्फत युवा पुस्तालाई सकारात्मक कार्य तर्फ प्रेरित गर्ने उद्देश्य सहित वडा भित्रका दौडमा रुची राख्ने पुरुष र महिलाहरुको लागि  प्रतियोगिता आयोजना गर्न लागिएको सुन्ताखान युवा क्लबका  अध्यक्ष  हरिबोल बिष्टले जानकारी गराए ।

चैत्र १२ गते  शनिबार  बिहान गोकर्णेश्वर ३ बालुवा सुन्ताखानमा हुन लागेको उक्त प्रतियोगितामा सहभागी हुन चाहानेहरुले चैत्र १० गते भित्र फारम बुझाउन अनुरोध गर्दै फारम एनएस स्टेसनरी महांकालमा पाइनेअध्यक्ष  बिष्टले  बताए ।उनका अनुसार दौड प्रतियोगितामा प्रथम, दोश्रो, तेस्रो, चौथो र पाँचौं हुने खेलाडीलाई क्रमशः १५ हजार, १० हजार, ५ हजार, ३ हजार र २ हजार सहित कप मेडल र सम्मान पत्र प्रदान गरिने   जानकारी गराए ।