ओखलढुंगा चम्पादेवीमा नेपाली कांग्रेसबाट निर्वाचित वडा सदस्य नेकपा एमालेमा प्रवेस
कपन अनलाइन
ओखलढुंगा,फागुन २५।
ओखलढुंगा चम्पादेवीमा नेपाली कांग्रेसबाट निर्वाचित वडा सदस्य नेकपा एमालेमा प्रवेस गरेका छन। नेकपा एमाले चम्पादेवी गाउँपालिका कमिटीको बैठक तथा प्रशिक्षण कार्यक्रममा चम्पादेवी गाउँ पालिका वडा नं ३ का सदस्य तारा बहादुर कार्की नेकपा एमालेमा प्रवेस गरेका हुन्।
२०७४ सालको स्थानीय तहको निर्वाचनमा वडा नं ३ को सदस्यमा ३३९ मत सहित विजयी बनेका कार्कीलाई नेकपा एमालेका केन्द्रीय सदस्य तथा जिल्ला इन्चार्ज किशोर अधिकारी र प्रदेस नं १ का सचिवालय सदस्य नानी बाबु बुढाथोकी लगायतका नेताहरुले नेकपा एमालेमा स्वागत गरेका थिए।
नेकपा एमाले चम्पादेवी गाउँपालिका कमिटीका अध्यक्ष खेम मिश्रको अध्यक्षतामा चम्पादेवी -३ चिप्लिंगमा भएको बैठक तथा प्रशिक्षण कार्यक्रममा नेकपा एमाले ओखलढुंगाका नेता तथा कार्यकर्ताहरुको सहभागिता रहेको छ।
तपाइँको प्रतिक्रिया ।
