महिला दिवसको अवसरमा बुढानिलकण्ठ-१२ मा खुल्ला कविता वाचन प्रतियोगिता,को को बने बिजेता ?

कपन अनलाइन

काठमाण्डौ ,फागुन २२।

११२ औ अन्तर्राष्ट्रिय महिला दिवसको अवसरमा बुढानिलकण्ठ नगरपालिका वडा नं १२ का खुल्ला कविता वाचन प्रतियोगिता सम्पन्न भएको छ। वडा नं १२ को त्रिज्योति मावीमा भएको सो प्रतियोगितामा विभिन्न महिला समुह तथा वडावासीहरुले भाग लिएका थिए।

नगरपालिकाका १३ वटै वडामा प्रतियोगिता आयोजना गर्दै नगरपालिका स्तरीय खुल्ला कविता प्रतियोगिता गर्ने तयारी स्वरूप वडा नं १२ मा भएको प्रतियोगितामा बिमला कोइराला प्रथम भएकी थिइन् भने दिपा गुरुङले दितीय र कान्ता दाहालले तृतीय स्थान  हासिल गरेका थिए।

सो कार्यक्रममा बुढानिलकण्ठ नगरपालिका वडा नं १२ का अध्यक्ष शम्भु प्रसाद भट्टराई,नगर कार्यपालिका सदस्य शान्ता ढकाल ,वडा सदस्य पुरुषोत्तम नेपाल ,त्रि ज्योति मावीका प्रिन्सिपल गणेश मिश्र सहित महिला संजाल र समुहका प्रतिनिधिहरुको उपस्थिति रहेको थियो।

सो खुल्ला कविता वाचन प्रतियोगितको निर्णायकमा तिलक लुइँटेल र ओम प्रसाद कोइराला रहेका थिए। फोटो : प्रतिमा पौडेल भण्डारी