नेकपा एमाले काठमाण्डौ क्षेत्र नं ४ ( २ ) को संयोजकमा राजन पोखरेल ,को को बने पदाधिकारी ?

कपन अनलाइन

काठमाण्डौ ,फागुन १७।

नेकपा एमाले काठमाण्डौ क्षेत्र नं ४ ( २ ) को संयोजकमा राजन पोखरेल चयन भएका छन। नेकपा एमाले काठमाण्डौको प्रथम पूर्ण बैठकले जिल्ला कमिटी सदस्य पोखरेलको नेतृत्वमा प्रदेस क्षेत्र कमिटी गठन गर्ने निर्णय गरेको हो।

काठमाण्डौ जिल्लाको कम्युनिस्ट आन्दोलनमा लामो समय देखि सक्रिय रहेका पोखरेल सहकारी र व्यवसायिक क्षेत्रमा क्रियाशील रहेका छन।

त्यस्तै काठमाण्डौ क्षेत्र नं ४ ( २ ) को सह संयोजकमा जिल्ला कमिटी सदस्य शिला लामा चयन भएकी छन। लामो समयदेखि बामपन्थी आन्दोलनमा सक्रिय रहेकी लामा विभिन्न सामाजिक क्षेत्रमा पनि क्रियाशील रहेकी छन।

यसैगरी काठमाण्डौ जिल्ला कमिटीको सो बैठकले प्रदेस क्षेत्रको सचिवमा गोविन्द कटवाललाई चयन गरेको छ। बुढानिलकण्ठ नगरपालिका वडा नं ९ का पुर्व अध्यक्ष कटवाल मदन भण्डारी फाउन्डेसन काठमाण्डौमा पनि सक्रिय रहेका छन ।