बुढानिलकण्ठ-१३ चुनिखेलमा नेकपा एमाले काठमाण्डौको आकस्मिक रक्तदान कार्यक्रम सम्पन्न
कपन अनलाइन
काठमाण्डौ ,फागुन ८।
बुढानिलकण्ठ नगरपालिका वडा नं १३ चुनिखेलमा नेकपा एमाले काठमाण्डौ जिल्ला कमिटीको आयोजनामा आकस्मिक रक्तदान कार्यक्रम सम्पन्न भएको छ।
नेकपा एमाले काठमाण्डौ क्षेत्र नं ४ को संयोजन र वडा नं १३ कमिटीको सह आयोजनामा भएको सो रक्तदान कार्यक्रमको प्रमुख अतिथि नेकपा एमालेका स्थायी कमिटी सदस्य डा. राजन भट्टराई रहेका थिए।
नेकपा एमाले काठमाण्डौ जिल्ला कमिटीका अध्यक्ष दिपक निरौला ,जिल्ला कमिटी सदस्य तथा बुढानिलकण्ठ नगर कमिटी इन्चार्ज लक्ष्मी संग्रौला, जिल्ला कमिटी सदस्य कृष्णकाजि श्रेष्ठ, वडा नं १३ का अध्यक्ष तथा नगर सचिव श्रीकृष्ण श्रेष्ठ लगायतको उपस्थितिमा भएको कार्यक्रममा ९२ जनाले रक्तदान गरेका थिए।
उक्त आकस्मिक रक्तदान कार्यकममा रक्तदान तथा अन्य सहयोग पुर्याउने सबैलाई धन्यवाद दिदै वडा नं १३ कमिटीका अध्यक्ष टिकेस नारायण श्रेष्ठले सक्रिय सहभागी भएका युवा संघ,मजदुर विशेष कमिटी तथा जनसंगठनहरुलाईको सहभागितामा कार्यक्रम सफल रुपमा सम्पन्न भएको जानकारी दिएका छन।
