राप्रपा नेपालको अध्यक्ष बने कमल थापा

कपन अनलाइन

काठमाडौं फाल्गुन १ ।राष्ट्रिय प्रजातन्त्र पार्टी परित्याग गरेका  कमल थापा ‘राप्रपा नेपाल’ को अध्यक्ष बनेका छन् । निर्वाचन आयोगमा पहिल्यै दर्ता रहेको राप्रपा नेपालमा उनी नयाँ अध्यक्ष बनेका हुन् । उनले राष्ट्रिय प्रजातन्त्र पार्टी भित्र देखा परेको सैद्धान्तिक विचलन तथा गलत प्रवृत्तिका कारण पार्टी छाड्न बाध्य भएको बताएका  थिए ।राप्रपा नेपाल विगतमा कमल थापाले नै स्थापना गरेको पार्टी हो । २०७३ सालमा पशुपतिशम्शेर राणाले नेतृत्व गरेको राप्रपासँग एकता गरेर राष्ट्रिय प्रजातन्त्र पार्टी निर्माण भएको थियो । त्यसपश्चात राप्रपा नेपालको नाममा अर्को पार्टी निर्वाचन आयोगमा दर्ता भएको थियो ।