गोकर्णेश्वर युवा जागरण क्लब (GFG) द्वारा स्व.गोपाल श्रेष्ठको स्मृतिमा आयोजित ब्याडमिन्टन प्रतियोगिताको दोस्रो दिनको खेलहरु सम्पन्न
कपन अनलाइन
काठमाडौँ, माघ २८ । गोकर्णेश्वर नगरपालिका वडा नं ४ मा रहेको गोकर्णेश्वर युवा जागरण क्लब (GFG)ले स्वर्गीय गोपाल श्रेष्ठको स्मृतिमा आयोजित गोकर्णेश्वर नगरपालिका ४ नं वडा स्तरीय ब्याडमिन्टन प्रतियोगिताको दोस्रो दिनका खेलहरु सम्पन्न भएको छ । आज भएको दोस्रो दिनको पहिलो खेल राजकुमार श्रेष्ठ र राजेश श्रेष्ठको जोडी संग कृष्ण प्रसाद श्रेष्ठ र सुमन श्रेष्ठको जोडी बीच भएको थियो।
निकै नै प्रतिष्पर्धात्मक रहेको सो खेलमा कृष्ण प्रसाद श्रेष्ठ र सुमन श्रेष्ठको जोडीले राजकुमार श्रेष्ठ र राजेश श्रेष्ठको जोडीलाई २३-२१, २१- १६ र २१ १२ अंकको तेस्रो सेटमा पराजित गर्दै अर्को चरणमा प्रवेश गरेको छ। त्यसै गरि आजै भएको दोस्रो दिनको दोस्रो खेल उमेश ढुंगाना र राजु कर्माचार्यको जोडी संग कमल परियार र हरिदास श्रेष्ठको जोडी बीच भएको थियो। निकै नै प्रतिस्पर्धात्मक रहेको सो खेलमा उमेश ढुंगाना र राजु कर्माचार्यको जोडीले कमल परियार र हरिदास श्रेष्ठको जोडीलाइ १८-२१, २१-१३ र २१- ८ अंकको तेस्रो सेटमा पराजित गर्दै अर्को चरणमा प्रवेश गरेको छ।
नेपाल तरुण दल गोकर्णेश्वर नगर समिति, काठमाडौंका अध्यक्ष तथा गोकर्णेश्वर युवा जागरण क्लबका सल्लाहकार समेत रहेका स्व. गोपाल श्रेष्ठको हृदयाघातका कारण निधन भएको थियो। उनकै सम्झनामा खेलको माध्यमबाट आपसी भाइचारा मित्रता र सामाजिक सदभाब कायम गर्दै वडा बाट प्रतिभावान खलाडी उत्पादन गर्ने उदेश्यका साथ उत्तरबाहिनीस्थित ब्याडमिन्टन कोर्टमा संचालित उक्त प्रतियोगितामा कुल १६ टिमको सहभागिता रहेको छ। फाल्गुन ३ गते सम्म चल्ने सो प्रतियोगितामा प्रथम दितीय र तृतीय हुने खेलाडीले नगद पुरस्कार सहित ट्रफी मेडल र प्रमाण पत्र प्राप्त गर्ने आयोजकले जानकारी गराएको छ ।
