धापासीमा कारको ठक्करबाट एक बालकको मृत्यु

कपन अनलाइन

काठमाण्डौ ,माघ २६।

धापासीमा कारको ठक्करबाट एक बालकको मृत्यु भएको छ । मृत्यु हुनेमा स्थानीय तीन वर्षीय श्रीयन पाण्डे रहेका छन् ।

मंगलबार बेलुकी सवा ८ बजे बा १७ च ५०२२ नम्बरको कारको ठक्करबाट गम्भीर घाइते भएका बालकको उपचारका क्रममा राति साढे ९ बजे धापासीस्थित ग्राण्डी अस्पतालमा मृत्यु भएको प्रहरीले जनाएको छ ।

कारसहित चालकलाई महानगरीय प्रहरी वृत्त महाराजगञ्जले नियन्त्रणमा लिएर थप अनुसन्धान गरिरहेको छ  ।