गोकर्णेश्वर युवा उपकार क्लब द्वारा आयोजित मैत्रीपूर्ण ब्याटमिन्टन प्रतियोगीताको तेस्रो दिनको खेलहरु सम्पन्न

कपन अनलाइन

काठमाडौं,पौष २२ । गोकर्णेश्वर नगरपालिका वडा नं ४ मा रहेको गोकर्णेश्वर युवा उपकार क्लबको ३२औं बार्षिक उत्सबको अवसरमा क्लबका सम्पूर्ण सदस्यहरु बीच मैत्रीपूर्ण ब्याटमिन्टन प्रतियोगीताको तेस्रो दिनका खेलहरु सम्पन्न भएको छ । क्लबले प्रत्येक बर्ष आफ्नो वार्षिकोत्सवको अवसरमा खेलकुदलाइ समेट्दै आएको र सो लाइ निरन्तरता दिदै खेलकुदमा रुची राख्ने क्लबका सदस्यहरु बीचको  मैत्रीपूर्ण ब्याटमिन्टन प्रतियोगीता पौष २४  गते सम्म चल्नेछ ।

भगवती युवा क्लबको  ब्याडमिन्टन कोर्टमा  क्लबका सदस्यहरु बीच आयोजित मैत्रीपूर्ण ब्याटमिन्टन प्रतियोगिताको तेस्रो  दिनको पहिलो खेल  मोहन मल्ल र बिमल कर्माचार्यको जोडी संग रत्न श्रेष्ठ र राजेश श्रेष्ठको जोडी बीच भएको  थियो। प्रतिस्पर्धात्मक रहेको सो खेलमा मोहन मल्ल र बिमल कर्माचार्यको जोडीले रत्न श्रेष्ठ र राजेश श्रेष्ठको जोडीलाइ २१-७, र २१- १२ अंकको सोझो सेटमा पराजित गर्दै अर्को चरणमा प्रवेश गरेका छन। आजै भएको दोस्रो खेल रबिन बम्जन र हरि शरण श्रेष्ठको जोडी संग रामहरि श्रेष्ठ र बिर बिक्रम शाहीबीच भएको थियो।  निकै नै प्रतिस्पर्धात्मक रहेको सो खेलमा राम हरि श्रेष्ठ र बिर बिक्रम शाहीको जोडीले रबिन बम्जन र हरि शरण श्रेष्ठको जोडीलाइ २१- १५ र २४- २१ अंकको सोझो सेटमा पराजित गर्दै अर्को चरणमा प्रवेश गरेको छ।

आजै भएको अर्को खेल बालकृष्ण श्रेष्ठ र ज्ञान कुमार श्रेष्ठको जोडी संग नारायण कार्की र सुमन ताम्राकार बीच भएको थियो। निकै नै प्रतिस्पर्धात्मक बनेको सो खेलमा नारायण कार्की र सुमन ताम्राकारको जोडीले बालकृष्ण श्रेष्ठ र ज्ञान कुमार श्रेष्ठको जोडीलाई २१-१९ र २१-१८ अंकको सोझो सेटमा पराजित गर्दै अर्को चरणमा प्रवेश गरेको छ। आजै भएको अर्को खेल किरण कार्की र सिताराम कारंजितको जोडी संग श्याम श्रेष्ठ र राजेश गुरुङको जोडी बीच भएको थियो। निकै नै प्रतिस्पर्धात्मक बनेको सो खेलमा श्याम श्रेष्ठ र राजेश गुरुङको जोडीले किरण कार्की र सिताराम कारंजितको जोडीलाई १६-२१, २१- १७ र २१ १७ अंकको तेस्रो सेटमा पराजित गर्दै अर्को चरणमा प्रवेश गरेको छ ।

आजै भएको अर्को खेल बिनोद राइ र विजय कुमार श्रेष्ठको जोडी संग राम श्रेष्ठ र प्रमोद प्रसाद डाँगीको जोडी बीच भएको थियो। प्रतिस्पर्धात्मक बनेको उक्त खेलमा बिनोद राइ र विजय कुमार श्रेष्ठको जोडीले राम श्रेष्ठ र प्रमोद प्रसाद डाँगीको जोडीलाइ २१-१३ र २१-१४ अंकको सोझो सेटमा पराजित गर्दै अर्को चरणमा प्रवेश गरेको छ। आजै भएको अर्को खेल रामजी श्रेष्ठ र धर्म श्रेष्ठको जोडी संग सुशील तामाङ र मोहन श्रेष्ठको जोडी बीच भएको थियो। निकै नै प्रतिस्पर्धात्मक बनेको सो खेलमा  सुशील तामाङ र मोहन श्रेष्ठको जोडीले  रामजी श्रेष्ठ र धर्म श्रेष्ठको जोडीलाइ १५- २१, २१-१५ र २१-१४ अंकको तेस्रो सेटमा पराजित गर्दै अर्को चरणमा प्रवेश गरेको छ ।