नेकपा एमाले काठमाण्डौ महानगरपालिका वडा नं ३० को कार्यालय उद्घाटन

कपन अनलाइन

काठमाण्डौ ,पौष १९।

नेकपा एमाले काठमाण्डौ महानगरपालिका वडा नं ३० को कार्यालय उद्घाटन गरिएको छ । काठमाण्डौ क्षेत्र नं ४ डिल्लीबजार पिपलबोटमा स्थापना गरिएको सो कार्यालयको उद्घाटन नेकपा एमालेका स्थायी कमिटी सदस्य डा. राजन भट्टराईले गरेका थिए।

नेकपा एमाले जिल्ला कमिटी सदस्य तथा क्षेत्र नं ४ का संयोजक तेज ढकाल ,नेकपा एमाले काठमाण्डौ महानगर कमिटी अध्यक्ष निर्मल देउला लगायतका नेता तथा कार्यकर्ताहरुको उपस्थितिमा सो कार्यालय उद्घाटन गरिएको हो।

कार्यालय उद्घाटन पछी बोल्दै डा. भट्टराईले पार्टी कामलाई व्यवस्थित र प्रभावकारी बनाउनका लागि कार्यालय व्यवस्थापनले महत्वपूर्ण  भूमिका खेल्ने बताउदै वडा कमिटीलाई बधाई ज्ञापन समेत गरेका थिए।