नेपाली कांग्रेसको १४ औं महाधिवेशन आजबाट सुरु हुँदै

कपन अनलाइन

काठमाडौँ, मंगसिर २३।  नेपाली कांग्रेसको १४औं महाधिवेशन आजदेखि काठमाडौंको भृकुटिमण्डपमा सुरु हुँदैछ ।महाधिवेशनस्थल पार्टीका झन्डा र चुनाव चिह्न रूखअंकित झण्डाले सिँगारिएको छ । वरपर विभिन्न स्थानमा स्वागत द्वार राखिएको छ । ‘उत्साह, एकता, रूपान्तरण : सफल बनाऔँ १४औँ महाधिवेशन’ भन्ने मूल नाराका साथ दिउँसो १ बजे भृकुटीमण्डपमा महाधिवेशन उद्घाटन हुँदैछ । दिउँसो १ बजेदेखि सुरु हुने महाधिवेशनको उद्घाटन सत्रका लागि मन्च लगायतको व्यवस्थापनको काम अन्तिम चरणमा पुगेको छ ।

 कांग्रेसले करिव १ सय ५० जना अट्ने मुख्य मन्च निर्माण गरेको छ । बृहत जनसभा नगर्ने निर्णय गरेको कांग्रेसले महाधिवेशान प्रतिनिधि र शुभेच्छुकका लागि कुर्चीको व्यवस्था गरेको छ । अहिले कामदारहरु त्यसैले व्यवस्थापनमा तल्लीन छन् ।महाधिवेशनको सम्पूर्ण तयारी सकिएकाले उद्घाटन समारोहलाई चुस्त र व्यवस्थित रूपमा सम्पन्न गर्ने कांग्रेस प्रवक्ता विश्वप्रकाश शर्माले जानकारी गराएका छन  ।

उद्घाटनमा देशका प्रमुख पार्टीका नेता, विदेशी प्रतिनिधि र कांग्रेसका शीर्ष नेताले सम्बोधन गर्ने प्रवक्ता शर्माले जानकारी दिए ।महाधिवेशनबाट ४ हजार ७ सय प्रतिनिधिले एक सभापति, दुई उपसभापति, दुई महामन्त्री र आठ सहमहामन्त्री गरी १३ पदाधिकारीसहित १३४ सदस्यीय केन्द्रीय कार्यसमिति चयन गर्नेछन् । कोषाध्यक्ष भने केन्द्रीय सदस्यहरूले चयन गर्ने व्यवस्था छ ।शनिबार उम्मेदवारी टुङ्गिएपछि आइतबार मतदान र मतगणनाको कार्यक्रम छ । उद्घाटनपछि भृकुटीमण्डप, महेन्द्र पुलिस क्लब र राष्ट्रिय सभागृहमा मतदान हुनेछ ।