चौथो चक्रबहादुर स्मृति अन्तर बिद्यालय छात्र फुटबल प्रतियोगिताको खेल तालिका सार्वजनिक

कपन अनलाइन

काठमाडौँ, मंगसिर ९। गोकर्णेश्वर नगरपालिको सहकार्यमा छहारी युवा क्लब द्वारा  आयोजित चौथो चक्रबहादुर स्मृति अन्तर बिद्यालय छात्र फुटबल प्रतियोगिता आज बाट संचालन हुने भएको छ । आज बाट गोकर्णेश्वर नगरपालिका भरि  संचालनमा रहेका बिध्यालयका  बिद्यार्थीहरुको  सहभागीता रहने उक्त प्रतियोगिता गोकर्णेश्वर नगरपालिका वडा नं ८ मा रहेको नेपालय इंगलिस पब्लिक स्कुलको खेल मैदानमा  १० बजे बाटसंचालन हुने    कार्यक्रम   संयोजक संगम थापा श्रेष्ठले बुधबार पत्रकार सम्मलेन गरि  जानकारी गराएका  हुन ।

। कोरोना भाइरस महामारी कम भए संगै खेलकुद गतिबिधिलाइ अगाडी बढाउनको लागि छहारी युवा क्लबको अग्रसरतामा हुन लागेको सो प्रतियोगितालाइ सफलतापुर्वक सम्पन्न गर्नको लागि गोकर्णेश्वर नगरपालिका भित्र संचालनमा रहेका  बिध्यालयका २५ वटा टिमले सहभागिता जनाएको पनि जानकारी गराए   ।

प्रतियोगितामा बिजेताले नगद रु २५ हजार सहित ट्रफी मेडल र प्रमाण पत्र प्राप्त गर्नेछ भने उप बिजेताले नगद रु १० हजार सहित ट्रफी ,मेडल र प्रमाण पत्र प्राप्त गर्नेछ त्यसै गरि तृतीय हुने टिमले नगद रु ५ हजार सहित ट्रफी मेडल र प्रमाणपत्र प्राप्त गर्नेछ भने उत्कृष्ट खेलाडी, गोल रक्षक र सर्वाधिक गोलकर्तालाइ पनि ट्रफीको व्यवस्था गरिएको आयोजकले जानकारी गराएको छ । बुधबार नै खेल तालिका  सार्वजनिक गरिएको थियो।