सिन्धुपाल्चोकका नेता हस्त पण्डितले नेकपा एमाले केन्द्रीय सदस्यमा उम्मेदवारी दिने

नेकपा एमालेको १०औ राष्ट्रिय महाधिवेशन १० देखी १२ गते सम्म चितवनमा हुदैं छ । पार्टीको जिम्मेवारी लिन विभिन्न नेताहरुले उम्मेद्वारी घोषणा गर्ने क्रम चलिरहेकै वेला सिन्धुपाल्चोकबाट हस्त बहादुर पण्डितले पनि केन्द्रीय सदस्यमा उम्मेदवारी घोषणा गरेका छन् । एमालेको दशौं राष्ट्रिय महाधिवेशन पर्यटकीय नगरी चितवनमा मंसिर १० देखि सुरु हुदै छ।

यो महाधिवेशन एकताको महाधिवेशन पनि हो । नीतिगत विषयहरु यस अघि नै विधान अधिवेशनबाट सर्वसम्मत पारीत भएको छ । यो महाधिवेशनले मुलतःनेतृत्व छनोट र एमालेलाई एकताबद्ध पार्टी निर्माणका लागि अघि बढाउने विश्वास आफुले लिएको नेता पण्डितले बताए ।

लामो समय युवा संघ नेपालमा आवद्ध भई काम गरेका पण्डित उक्त संगठनको जिल्ला सदस्य ,जिल्ला अध्यक्ष हुदै केन्द्रीय कमिटीको सचिव,नेकपा एमाले सिन्धुपाल्चोक जिल्ला कमिटी अध्यक्ष हुदै हाल बागमती  प्रदेस  कमिटी सचिवालय सदस्य  रहेका छन ।

सिन्धुपाल्चोक  एमालेमा एउटा छुट्टै स्थान बनाएका पण्डित कुसल संगठक शैक्षिक तथा सामाजिक व्यक्तित्वको रुपमा आफूलाई स्थापित गर्न सफल नेता हुन्न ,आर्थिक मामिलामा निश्कलङ्क पारदर्शिता भएका नेताले रुपमा परिचित छन।

विभिन्न परिवर्तनको आन्दोलनमा सक्रिय भुमिकामा रहि काम गरेका पण्डित दर्जनौं पटक प्रहरी नियन्त्रणमा समेत परेका छन ।