समाजसेवी सिग्देल र पोखरेललाई फोकस नेपालको विशेष सेवा सम्मान

कपन अनलाइन

काठमाडौँ, कात्तिक २२। युवा व्यवसायी तथा समाजसेवी मधुसुदन सिग्देल र सहकारी अभियन्ता भुवन पोखरेललाई फोकस नेपालले सम्मान गरेको छ ।फोकस नेपालले अटो एभ प्रा.लि.का प्रबन्ध निर्देशक समेत रहेका सिग्देललाई अटोमोबाइल्स तथा सामाजिक सेवाको क्षेत्रमा पुर्याएको योगदानको कदर गर्दै विशेष सम्मान २०७८ ले सम्मान गरेको हो ।

मंगलबार राष्ट्रिय नाच घरमा आयोजित एक कार्यक्रममा राष्ट्रिय सभाका अध्यक्ष गणेश प्रसाद तिमिल्सिनाले सम्मानित व्यक्तिहरुलाई सम्मानपत्र हस्तान्तरण गरेका हुन् ।

सम्मानले व्यवसायिक तथा समाज विकासको क्षेत्रमा कार्य गर्न अझै धेरै हौसला थपिएको सिग्देलले कपन अनलाइनलाइ बताए । त्यसैगरि सोहि कार्यक्रममा सहकारी अभियन्ता तथा रेनेशा बचत तथा ऋण सहकारी संस्था लिमिटेडका प्रवन्ध निर्देशक तथा अपाङ्ग सेवा संघ आशा केन्द्रका सचिब समेत रहेका भुवन पोखरेललाइ निरन्तर निष्ठापुर्वक सक्रिय रहि राष्ट्रिय तथा अन्तर्राष्ट्रिय बिभिन्न सहकारी, आर्थिक सेवामुलक तथा सामाजिक संघ संस्था मार्फत राष्ट्र विकास, सहकारी क्षेत्रको विकास र सामाजिक सेवामा पुर्याएको योगदानको कदर गर्दै फोकस नेपालले बिशेष सेवा सम्मान २०७८ बाट सम्मानित गरेको हो ।

दिपावलीको अवसरमा आयोजित कार्यक्रममा विभिन्न क्षेत्रका व्यक्तित्वहरुलाई सम्मान गरिएको थियो ।