नेपाल खेलकुद महासंघ सिन्धुलीको सपथ ग्रहण तथा प्रशिक्षण कार्यक्रम सम्पन्न

नेपाल खेलकुद महासंघ सिन्धुलीको सपथ ग्रहण तथा प्रशिक्षण कार्यक्रम सम्पन्न भएको छ । सिन्धुली सदरमुकाममा शनिबार सम्पन्न भेलाले गोकर्ण भुजेलको अध्यक्षतामा ६५ सदस्यीय जिल्ला कमिटी गठन गरेको छ।

नेपाल खेलकुद  महासंघ केन्द्रीय अध्यक्ष तथा कार्यक्रमका प्रमुख अतिथि  रमेशकुमार पौडेल राजनीति र खेलकुदलाई जोड्दै समग्र खेलकुद क्षेत्रको विकास र विस्तारका लागि महासंघ कृयाशिल रहेको बताएका थिए। त्यस्तै उनले  नवौं राष्ट्रिय खेलकुदमा खेलाडीको दैनिक भत्ता ५ हजार बनाउनुपर्ने कुरामा समेत जोड दिएका थिए ।

त्यस्तै महासं का  महासचिव मेघराज पौडेलले  खेलकुदको अन्तर्राष्ट्रिय आयाम, खेलकुदको व्यवसायीक र महासंघको भावी योजनाका सन्दर्भमा जानकारी गराएका थिए भने सचिव उमेश केसीले  सिन्धुलीमा पर्यटकीय खेलकुदको प्रवर्धन  र  महिला सशक्तीकरणको एउटा साध्यको रुपमा आत्मरक्षाका तालीमको नेतृत्व महासंघले गर्ने धारणा राखेका थिए ।

उक्त कार्यक्रममा  उमादेवि कोईराला,पार्टी केन्द्रिय सदस्य कपिल न्यौपाने,नेकोस सचीव मुनाल घिषिङ, नेकोस सचिव सिताराम कार्की, नेकोस बागमती संयोजक महेन्द्रदेव श्रेष्ठ, एमाले सिन्धुली सहसचिव लगायत अतिथि रहेका थिए ।

सो अवसरमा  नेकोस सिन्धुलीका पुर्व अध्यक्ष एवं पुर्व राष्ट्रिय भलिबल खेलाडी लेखबहादुर थापा र जिल्ला ब्याडमिन्टन संघका कोषाध्यक्ष राजन भुजेललाई दोसल्ला ओढाएर सम्मान गरिएको थियो ।