६ केजी गाँजाको धुलो ( पोल्याण्ड ) सहित दुई जना पक्राउ
कपन अनलाइन
काठमाण्डौ ,भाद्र २७।
महानगरीय प्रहरी वृत्त कालिमाटीको टोलीले छुट्टाछुट्टै स्थानबाट ६ केजी गाँजाको धुलो ( पोल्याण्ड ) सहित दुई जनालाई पक्राउ गरेको छ।
महानगरीय प्रहरी वृत्त कालिमाटीका डिएसपी अपिल बोहोराका अनुसार पक्राउ पर्नेमा मकवानपुर थाहानगरपालिका–७ घर भई संतुङ्गल बस्ने बर्ष २२ का राजेन्द्र अर्याल र धादिङ थाक्रे गाउँपालिका–५ घर भई गुर्जुधारा बस्ने बर्ष १९ को कविर तामाङ छन्।
पक्राउ परेका अर्यालले कंलकी क्षेत्रमा बेचविखन गर्न लागेको सूचनाका आधारमा उनको साथबाट ३ केजी पोल्याण्ड र नगद १८ हजार बरामद भएको डिएसपी बोहोराले बताए।
अर्यालको संतुगलमा रहेको डेरामा चेकजाँच गर्ने क्रममा थप १ केजी २ सय ग्राम गरी ४ केजी २ सय ग्राम फेला परेको कालिमाटी वृत्तले जनाएको छ।
त्यस्तै साथै प्रहरीले तामाङको साथबाट १ किलो ९५० ग्राम फेला पारेको छ। प्रहरीले अर्याललाई कंलकी क्षेत्रबाट पक्राउ गरेको हो भने तामाङलाई चन्द्रागिरि गुर्जुधाराबाट पक्राउ गरेको हो।
पक्राउ परेका उनीहरुलाई लागूऔषध ऐन २०३३ अन्तर्गत म्याद थप गरि अनुसन्धान सुरू गरिएको प्रहरीले जनाएको छ।
