कीर्तिपुर नगरव्यापी अन्तर वडा पुरुष/महिला बास्केटबलमा वडा नं ४ को जित

कपन अनलाइन

काठमाण्डौ ,भाद्र २७।

वडा नं  ४ ले नवौं कीर्तिपुर नगरव्यापी अन्तर वडा पुरुष/महिला बास्केटबल प्रतियोगिताको महिलामा सफलता पाएको छ ।
कीर्तिपुर बास्केटबल संघद्वारा आयोजित प्रतियोगितामा वडा ४ ले वडा ३ लाई ४७–२२ को फराकिलो अन्तरले पराजित ग¥यो । जितमा मुना महर्जनले २० अंक योगदान गरिन् ।
कीर्तिपुरको नयाँबजारस्थित कभर्डहलमा भइरहेको प्रतियोगिताको पुरुषमा वडा २ र वडा ७ ले जित हात पारे ।
नरेश महर्जनको १८ अंक सहयोगमा वडा २ ले वडा ८ लाई ७६–७४ को साँघुरो अन्तरले हरायो । वडा ७ ले वडा ४ लाई ६४–५१ ले पन्छायो । विजयी टिमका लागि अभिषेक सिंहले सर्वाधिक ३८ स्कोर गरे ।