कागेश्वरीको थलीमा बृहत रक्तदान कार्यक्रम सम्पन्न

कपन अनलाइन

काठमाडौँ, भाद्र २७ । नेपाल रेडक्रस सोसाइटी कागेश्वरी मनोहरा उपशाखा र नमो बुद्ध ट्याकसी व्यवसायी संघको संयुक्त आयोजनामा भएको रक्तदान कार्यक्रम सम्पन्न  भएको छ ।भाद्र २६ गते शनिबार थलीचोक स्थित आनन्दपुर थली बजार परिसरमा बिहान  १०:३० बजे बाट सम्पूर्ण स्वास्थ्य सुरक्षा मापदण्ड अपनाई सुरक्षित तवर बाट संचालन  भएको उक्त कार्यक्रममा ४५  जना रक्तदाताले रक्तदान गरेको  आयोजकले  कपन अनलाइनलाइ  जानकारी गराएको छ   ।

रगत अभावका कारण कुनै पनि व्यक्तिले ज्यान नगुमाउन नपरोस् भन्ने उदेश्य सहित   आयोजित उक्त कार्यक्रममा कागेश्वरी मनोहरा नगरपालिका प्रमुख कृष्णहरि थापा , नगर प्रवक्ता एबम वडा नं ५ का वडा अध्यक्ष राजाराम  पुडासैनी, रेडक्रस सोसाइटी कागेश्वरी मनोहरा उपशाखाका स्वयंसेवक, विपत् व्यवस्थापन समिति संयोजक शहदेव के सी , ट्याक्सी व्यवसायी संघ का स्वयंसेवक लगायत स्थानीयको उपस्थिति रहेको थियो ।छोटो समयको तयारी तथा अहिलेको प्रतिकुल  अवस्थामा पनि  धेरैजनाले रक्तदान गर्न इच्छा देखाए पनि स्वास्थ्य लगायत अन्य कारणले गर्दा ४५ जनाले मात्र रक्तदान गरेको आयोजकले जानकारी गराउदै बिषम परिस्थितिमा समेत स्वतःस्फुर्त रुपमा सहभागि भई रक्तदान गर्ने सम्पूर्ण रक्तदाताहरुलाई आयोजकले  धन्यबाद दिएको छ  ।