मेलम्ची नगरपालिकाकी उपप्रमुख भगवती नेपालले नेकपा एकीकृत समाजवादी

कपन अनलाइन

काठमाण्डौ ,भाद्र १७।

सिन्धुपाल्चोकको मेलम्ची नगरपालिकाकी उपप्रमुख भगवती नेपालले नेकपा एकीकृत समाजवादी रोज्दै सनाखत गरेकी छन् । बुधवार  जिल्ला निर्वाचन कार्यालय पुगेर उनले सनाखत गरेकी हुन् ।

नेपाल संगै  चौतारा साँगाचोकगढी नगरपालिका वडा नम्बर १० का वडाध्यक्ष बेलवहादुर महतले पनि एमाले परित्याग गरेर नेकपा एकिृत समाजवादी पार्टीमा सनाखत गरेका छन् ।

यस अघि वागमती प्रदेश सांसद इन्द्रमाया गुरुङले मंगलबार हेटौडास्थित प्रदेश निर्वाचन कार्यालय पुगेर समाजवादी पार्टीमा सनाखत गरेकी थिइन् ।

भदौ २२ सम्म पार्टी रोज्न पाइने निर्वाचन आयोगको प्रावधान अनुसार नेताहरू एमालेबाट छुट्टिएर गठन भएको नयाँ पार्टीमा सनाखत गरेका हुन्।