सिन्धुपाल्चोक जिल्लाका दश वटा स्थानीय स्काउट संयोजकहरुको दिक्षान्त सम्पन्न
कपन अनलाइन
काठमाण्डौ ,भाद्र १६/नविना श्रेष्ठ
नेपाल स्काउट बागमती प्रदेश सिन्धुपाल्चोक जिल्ला अन्तर्गतका दश वटा स्थानीय स्काउटका संयोजकहरुको दिक्षान्त एवं पद तथा गोपनियताको सपथ ग्रहण समारोह सम्पन्न भएको छ।
नेपाल स्काउट राष्ट्रिय प्रदान कार्यालयमा आइतबार आयोजित एक समारोहमा स्थानीय स्काउटका संयोजकहरुलाई नेपाल स्काउटका राष्ट्रिय संयोजक लोकवहादुर भण्डारीले स्काउट दीक्षान्त एवं पद तथा गोपनीयताको सपथ ग्रहण गराएका थिए।
कार्यक्रममा बाह्रविसे नगरपालिका संयोजक मौसमी गुरुङले अबका दिनहरुमा सिन्धुपाल्चोक जिल्लाका पालिकाहरुमा कसरी एक घर एक स्काउट अभियान सञ्चालन गर्ने तथा स्काउटका गतिविधिहरु कसरी अगाडि बढाउने भन्ने विषयमा सबै एकसाथ भई सल्लामा अगाडि बढ्न सबैलाई आग्रह गरेका छन्।
दिक्षान्त समारोहमा आफ्नो मन्तब्य राख्दै राष्ट्रिय संयोजक भण्डारीले सिन्धुपाल्चोक जिल्लाभरिका पालिकाले आफूलाई अब्बल स्थानीय स्काउटको रूपमा फन्को मार्नेमा आफूलाई विश्वास रहेको बताए ।
दीक्षान्त कार्यक्रम समारोह पश्चात स्थानीय संयोजकहरुलाई नेपाल स्काउटका निर्देशक रामप्रसाद भट्टराईले स्काउटका अभिमुखीकरण तालिम समेत प्रदान गगरेका थिए।
दीक्षान्त कार्यक्रममा नेपाल स्काउटका राष्ट्रिय तदर्थ समितिका सदस्य विजेन्द्र ध्वजु, बागमती प्रदेश संयोजक केश रत्न बज्राचार्य, प्रदेश सदस्यहरु शिवराम अर्याल , सरण महर्जन, विजेश्वरी अमात्य, अजित लामा लगायतको उपस्थित रहेको थियो।
